Me pseudonimin “Lorela”, 31-vjeçarja e arrestuar për pjesëmarrje në rrjetin e tutorëve të të miturve, u afrohej të miturve dhe u premtonte tarifa të mëdha nëse kryenin marrëdhënie seksuale me burra të pasur, të cilët do të paguanin shumë të mëdha për to.
Të përfshirë janë edhe dy persona të tjerë, një mik i “Lorelës” dhe një klient i rregullt i tyre.
Mediat greke kanë siguruar fotot e tyre, të cilat janë publikuar në rrjet.
Policia thotë se në pranga kanë përfunduar Lorela Kapaj 31 vjeç, Stefanos Nestoras 34 vjeç, Dhorgjiaqis Petros 55 vjeç.
Viktima kryesore e saj ishte një vajzë 15-vjeçare, së cilës dyshohet se ajo iu afrua miqësisht në vitin 2022. “Lorela” kishte qëllimin kryesor ta shtynte në prostitucion me joshjen e parave.
Personi i dytë nga rrjeti i arrestuar është një 34-vjeçar, mik i “Lorelës”. 34-vjeçarja, nga mesi i prillit 2023, ka rënë në kontakt me të miturën e sipërpërmendur dhe një shoqen e saj 17-vjeçare.
Për këtë rast konkret është arrestuar edhe një tjetër burrë, i cili akuzohet se ishte ndër “klientët” që do të përdhunonin vajzat e mitura. 55-vjeçari akuzohet se ka kryer marrëdhënie seksuale me dy të mitur në shtëpinë e tij në Korydallos në periudhën korrik-gusht 2023, duke u paguar atyre shumën prej 100 euro secili.
Policia thotë se, Kapaj akuzohet se gjente vajzat e mitura dhe i prezantonte ato me dy shtetasit grekë të cilët fillimisht kryen disa herë marrëdhënie seksuale me të miturat, veç dhe në grup dhe në vazhdim i nxirrnin fotot e tyre në faqet pornografike kur edhe mbyllnin takime erotike në të cilat të miturat kryenin marrëdhënie seksuale me klientë të ndryshëm kundrejt shumave të parave.
Vlen të theksohet se në kontrollet e kryera në banesa janë gjetur dhe konfiskuar një sërë dokumentesh dixhitale, si dhe një pistoletë./Opinion.al
