Këshilltari i pavarur i bashkisë së Dibrës Astrit Ademi, i cili propozoi edhe titullin “Qytetar Nderi” për kryeministrin Edi Rama ka sqaruar veprimin e tij, duke thënë se i është shumë mirënjohës. Ademi madje ka shtuar se kur të përfundojë rruga e Arbrit, do t’i bëjë një bust Edi Ramës me paratë e tij.
“E para është se kjo rrugë ka 28 vite që gënjejnë udhëheqësit dhe më në fund Rama e premtoi edhe unë i kam thënë shprehimisht që: Do ta na gënjesh edhe ti si gjë të tjerët. Faktikisht ai nuk ka gënjeu. As kam bërë bisedë me stafin e kryeministrit, as më stafin e Bashkisë. Ajo ishte një ide personale e imja si këshilltar i pavarur. Është një mirënjohje e popullit të Dibrës për atë rrugë që ne e kemi pasur ëndërr. Unë do të thosha edhe një gjë tjetër për këtë, që ditën kur ta mbarojë do t’i bëjë një bust Ramës, jo kryeministrit por Edi Ramës. Ku të jetë më i përshtatshëm do t’i bëj një bust me paratë e mira. Sepse është një tmerr të nisesh për Tiranë, është tmerr për çdo dibran”, u shpreh këshilltar i pavarur në Bashkinë Dibër.
Edi Rama nuk e pranoi këtë titull, ndërsa nga zyra e shtypit e Kryeministrisë sqaruan se Rama falenderonte këshilltarët e Dibrës për nderimin, por ishte kundër çdo titulli honorifik për politikanët në detyrë./Opinion.al
