Deputeti socialist, Erion Braçe, ka reaguar sërish në rrjetet sociale në lidhje me propozimin e tij për pagesat nga ana e shtetit për gratë dhe vajzat gjatë ditëve të ciklit menstrual.
Teksa thotë se kemi mundësi t’i trajtojmë ndryshe gratë dhe vajzat, Braçe thekson se është e pamundur që një grua apo vajzë të rrijë 8 orë ulur në një fasoneri.
Reagimi
DOKTORESHA!
PROPOZIMI IM PER GRATE E VAJZAT ESHTE CESHTJE
MIREQENIE, KUJDESI, DINJITETI!
(Po te doni edhe produktiviteti ne pune apo ne shkolle)
NUK ESHTE PERKEDHELJE!
Thënë këtë, duke ju dëgjuar me shumë respekt,
dua të sqaroj:
Nuk kam thënë kurrë qe cikli menstrual është vdekjeprurës tek gratë e vajzat, jo!
Ama shqetësim shëndetësor-i madh ne vajza e gra te ndryshme, është; behet edhe social, edhe shoqëror.
Një pyetje kam;
A mundet qe një vajze 17, 18, 19, 20, 21, 25 vjeç apo me shume, ne ditën akute te ciklit te rrije 8, 9, 10 ore ulur ne një fasoneri, mbi një makine qepëse tekstilesh, këpucësh, çantash etj? Po ne një sportel banke? Po ne një furre buke? Kudo?
Po një vajze 16, 17 vjeç por edhe me shume, a mund te rrije 5-6 ore e me shume ulur ne një banke klase te dëgjoje, mbaje shënime, zgjidhe e përgjigjet ne ditën akute te ciklit, madje dhe e papërgatitur për këtë?
Si thoni?!
Shikoni, këto historitë “hajde, boll u përkëdhele, mëso, puno se s’ke gjë, ec aty”, ndodhin mo, ndodhin, nuk e diskutoj;
Por e kemi mundësinë t’i trajtojmë vajzat e gratë ndryshe!
