Aktualitet

Propozimet e PD për Zgjedhoren, nga qeveria kujdestare te roli i policisë


Bëhu pjesë e Grupit Zyrtar të Opinion.al
>> KËTU <<
               Publikuar në : 19:10 - 12/02/20 |
Al Do

Partia Demokratike ka bërë një sërë propozimesh për ndryshimet në Kodin Zgjedhor që lidhen kryesisht me rolin e policisë dhe marrëdhënies së saj me prokurorinë gjatë procesit zgjedhor. Ky propozim është bërë nga përfaqësuesit e saj në tryezën e Reformës Zgjedhore.

Tre pikat kryesore të propozimit të PD-së janë qeveri kujdestare tranzitore para zgjedhjeve, emërimi i një drejtori të ri të policisë 100 ditë para zgjedhjeve nga ministri i Brendshëm teknik si dhe rimodelim i rolit të policisë gjatë procesit zgjedhore dhe marrëdhënies së saj me prokurorinë.

Propozimi i PD flet për një qeveri kujdestare para zgjedhjeve. Në nenin 5 të Kodit Zgjedhor kërkohet që të shtohet neni 5/1 sipas të cilit 100 ditë përpara datës së zgjedhjeve, Ministri i Brendshëm në Qeverinë Kujdestare të zgjedhjeve, i caktuar sipas përcaktimeve të bëra në ligjin për organizimin dhe funksionimin e Këshillit të Ministrave të emërojë Drejtorin e Përgjithshëm të Policisë së Shtetit.

Sa i përket rolit të policisë, PD kërkon që ajo duhet të kthehet pranë qendrave të votimit me dy detyra.

Së pari me ruajtjen e rendit në qendrat e votimit. “Kjo është një praktikë e stazhionuar me legjislacionin e mëparshëm. Policia, nuk futet në perimetrin e jashtëm të qendrave të votimit. Ajo mund të ndërhyjë vetëm ne rastet kur thirret nga komisioni i qendrës se votimit. Baza ligjore (e shfuqizuar) ka qenë mjaftueshmërisht e qartë dhe e testuar”, arsyeton PD.

Së dyti, që policia, të ngarkohet me funksionet e policisë gjyqësore. PD kërkon të konkretizohet deri edhe me arrestime në flagrancë të shkelësve të veprave penale zgjedhore, duke shpjeguar se ka shume impakt pozitiv, arrestimi përgjatë fushatës i një individi që shpërndan para.

Por ndërkohë, kërkohet që prania e policisë, në ambiente të tjera jo për qëllime të mbrojtjes së rendit zgjedhor, do të duhet të interpretohet si përfshirje e paligjshme në zgjedhje.

Partia Demokratike kërkon që krimet zgjedhore të hetohen nga SPAK dhe që Prokurori i Përgjithshëm të vendosë në lëvizje të gjitha institucionet në funksion të parandalimit të krimeve zgjedhore.

PD kërkon që të shihet mundësia që shkeljet zgjedhore të konsiderohen si shkak për pavlefshmërinë e zgjedhjeve.

Gjithashtu, PD-ja kërkon që KQZ -ja të pajisë me sistem monitorimi me kamera të gjitha qendrat e votimit. Në këtë sistem monitorimi, sipas PD-së duhet të kenë akses KQZ dhe salla operative e policisë së shtetit, që monitoron procesin zgjedhor.  /Opinion.al

Pas