Kreu i Grupit Parlamentar, Taulant Balla në një dalje për mediat ditën e sotme ka deklaruar se PS është e hapur të diskutojë çdo propozim nga opozita.
Balla tha se propozimet e opozitës do të shihen me kujdes dhe do të diskutohen me vëmendje, ndërkohë që theksoi se ende nuk janë njohur zyrtarisht me amendamentet.
“Jemi 100% të hapur për të diskutuar propozimet që vijnë nga Partia Demokratike. Do të ishte jo etike nga ana ime që të jepja një përgjigje pa e lexuar zyrtarisht kërkesën. Lajmi i mirë është që sot kemi një opozitë dhe po kryen funksionin e saj”, tha Balla.
Kjo deklaratë e Ballës vjen pas publikimit nga PD të amendamenteve për ndryshimet Kushtetuese sa i takon reformës zgjedhore, territoriale dhe vettingut të politikanëve./Opinion.al
