Pas letrës publike të Rovena Dilos në lidhje me pronën e saj në zonën e ish-Bllokut që po tentojnë t’ia grabisin siç pretendon ajo, ka reaguar edhe daja i këngëtares.
Në një intervistë për gazetën ‘Panorama’, Agron Vreto tregon se biznesi ka qenë i tij dhe më pas ia shiti Tom Doshit dhe Ndriçim Babasit dhe aktualisht ata janë pronarët ligjorë.
“Unë tani nuk e kam më pronën de jure, s’është më prona ime, por është e dy personave të tjerë. E atyre dy zotërinjve të nderuar, qytetarë, zotit Tom Doshi dhe Ndriçim Babasi. Ata janë njerëz të nderuar. Unë Tomën e njoh prej kohësh, sepse dikur ka ardhur edhe ai në lokal, kur kam punuar edhe unë aty. Edhe Çimin e njoh, edhe shumë më mirë.
Ajo tokë është e imja, e trashëguar nga babai im Naim Vreto. Është një turp i madh sepse ajo nuk ka lidhje fare me atë pronë që ajo e ka uzurpuar. Fillimisht unë kisha tokën dhe ajo e di shumë mirë, sepse i ka pasur letrat aty në lokal. Ne vendosëm që të bëjmë një lokal modest. Në fakt patëm lokalin e parë në Tiranë dhe kemi pasur fitime ato 2-3 vite që kam qenë unë.
Pastaj unë vendosa të tërhiqesha nga ajo punë sepse nuk e bëja dot. Madje që në atë kohë më ka çuar edhe në polici. Unë doja ta prishja atë biznes, nuk doja të punojë më me të. Ajo kishte diçka. Me sa kuptova unë, ajo kishte me shumë mafiozë. Njerëz të dyshimtë për mua. Prandaj desha ta mbyllja”, thotë ndër të tjera Agron Vreto.
Behet fjale per nje lokal ne zonen e ish-bllokut me emrin “Rovena”.
