Dyqani të cilit mbrëmjen e djeshme iu vu eksploziv ishte në pronësi të Drita Lulos, një emër I njohur në biznes. Por Lulo është njëkohësisht motra e Fatos Lulos, gjyqtarit që u shkarkua nga KPK, që në nisje të vetingut për shkak të mosjustifikimit të pasurisë.
Shpërthimi i eksplozivit është dëgjuar pas mesnatës së mbrëmshme dhe konkretisht rreth orës 02:00 në rrugën “Ymer Kurti” në kryeqytet, pranë postës Nr.8.
Dyqani gjendej në katin e parë të një pallati dhe si pasojë janë shkaktuar vetëm dëme materiale, ndërkohë që nga informacionet e para mësohet se për objektin ka patur problem pronësie.
