Dalin pamjet e një vjedhjeje që ka ndodhur para pak ditësh në Tiranë. 8 televizorëve të mëdhenj janë vjedhur nga një lokal lloto sport në afërsi të Liqenit të Thatë në Tiranë. Hajdutët ndalojnë makinën në anë të rrugës dhe kryejne grabitjen. Ngjarja ka ndodhur rreth orës 04:44.
Hyjnë brenda në ndërtesë, marrin televizorët dhe i vendosin me shpejtësi në makinë. Shkojnë e vijnë deri sa marrin nga llotoja plotë 8 televizorë, ndërsa i fundit, i nënti, u bie në tokë. Më tej largohen pa u shqetësuar, teksa gjithçka ka ndodhur brenda një minute e gjysmë.
Pronari i llotos, i cili ka mundur të sigurojë filmimet e vjedhjes nga kamerat e një tjetër biznesi, tregon se ka bërë denoncimin në polici një natë më pas, por uniformat blu janë tallur me të.
Ai tregon: Bëra denoncimin por deri tani asnjë gjë. Policia thotë që s’mund ta identifikojë targën, ndërkohë që me pak punë mund të dallohet. S’e kanë vënë ujin në zjarr. Apeli im është është që ta gjejnë kush mund ta ketë bërë sepse makina është e dukshme dhe targa del lehtësisht në laborator”.
