Një sherr mes tre personave ka ndodhur në Rrogozhinë, ku pronari dhe punëtori i servisit kanë dhunuar me grusht një klient dhe me pas e kanë kërcënuar me pistoletë zhurmuese. Sipas policisë, ngjarja ka ndodhur në lagjen nr. 1, në Rrogozhinë.
Pas marrjes së njoftimit, Policia ka bërë të mundur arrestimin në flagrancë pronarin e servisit, 40-vjeçarin Armando Mustafa dhe punëtorin e servisit, 36-vjeçarin Mario Malkja.
Këta persona gjatë një konflikti për motive të dobëta, kanë goditur me grushte dhe kanë kanosur me pistoletë zhurmuese 40-vjeçarin me iniciale A. G.
Në cilësinë e provës materiale u sekuestrua një pistoletë zhurmuese e gjetur në vendin e ngjarjes.
