Aksi rrugor i By-passit të Fierit është bllokuar paradite e sotme nga disa banorë të Levanit të cilët janë pronarët e tokave që janë prekur nga ndërtimi i rrugës.
Ata kërkojnë shpronësim për tokat e prekura nga ndërtimi i autostradës. Sipas kryeplakut të fshatit Levan, Alket Çobo, kërkesat e banorëve për dëmshpërblim nuk janë marrë parasysh prej 10 viteve, që kur ka filluar ndërtimi i By-passit.
Situata paraqitet problematike edhe nga mungesa e mbikalimeve apo nënkalimeve pasi një gjë e tillë bën që rreth 25 fermerë të zonës të mos kalojnë dot në tokat e tyre.
Bllokimi i punimeve të ndërtimit të rrugës rinisi përsëri pas mbërritjes së uniformave blu në vendin ku kishin bllokuar punimet. Gjithsesi banorët theksuan se nëse nuk gjejnë zgjidhje për problemin e tyre, do të përshkallëzojnë protestën. /Opinion.al
