Të tjera detaje janë mësuar nga shpërthimi me tritol në një banesë në Krujë. Sipas Neës 24, banesa është e shtetasit Altin Keqi, i cili është pronar i dy serviseve të celularëve, një në Krujë e një në Fushë-Krujë.
Dyshohet se sulmi ka patur në bazë motive të konkurencës, ndërsa Keqi nuk njihet si person problematik.
“Gjatë orëve të para të mëngjesit, në çatinë e banesës së shtetasit A. K., në lagjen “Borati”, Krujë, dyshohet se kanë hedhur dhe ka shpërthyer një sasi e vogël lënde plasëse. Si pasojë e shpërthimit ka vetëm dëme të vogla materiale”, njoftoi policia./Opinion.al
