Kreu i Kadastrës, Artan Lame në një daje për mediat këtë të shtunë i është përgjigjur një deklarate të kreut të Partisë së Lirisë, Ilir Meta, në protestën e opozitës, ku tha se prona e shqiptarëve është e pasigurt.
Lame u përgjigj me shifra, duke thënë se 250 mijë familje në vit marrin certifikatën e pronësisë.
Më tej ai theksoi se në kohën kur Meta ishte President, i ka bërë thirrje të regjistronte Presidencën dhe oborrin e saj për ta shpëtuar nga kafshimet, ndërsa theksoi se presidenca në atë kohë nuk u përgjigj.
“Meta tha para pak ditësh në një nga këto mitingjet që prona e shqiptarëve është e pasigurt kur vetë Presidenca është e paregjistruar.
250 mijë familje në vit që marrin certifikatën i jep përgjigje kësaj, por po unë kur ai ishte president i kam bërë thirrje ejani të regjistroi Presidencën dhe oborrin e saj për ta shpëtuar nga kafshimet.
Nuk u përgjigjën në atë kohë. Po nga kjo foltore para 1 muaji i kam bërë vetë thirrje aparatit të Presidencës ejani të bëni procedurat për të regjistruar pronat e Presidencës jo thjesht për ta shpëtuar nga kafshimet e mëtejshme por se kur një institucion që është në majën e piramidës së shtetit shqiptar jep shembullin e tij në këtë proces do shërbente si bususll për shumë qytetarë e institucionet e tjera për t’iu drejtuar Kadastrës për regjistrmin e pronave”-tha Lame.
