Prokurorët turq nisën hetimet lidhur me akuzat për parregullsi në zgjedhjet lokale të Stambollit dhe thirrën më shumë se 100 zyrtarë të qendrave të votimit, për t’i marrë në pyetje si të dyshuar.
Ndërkohë në zgjedhjet lokale Partia Popullore, që është partia kryesore e opozitës (CHP), në aleancë me partitë më të vogla, fitoi bashkitë e Stambollit dhe Ankarasë, duke i dhënë fund një çerek shekulli të kontrollit nga Partia AK e Presidentit Taip Erdogan dhe paraardhësit e tij islamik.
Pas shpalljes së rezultateve presidenti Erdogan bëri thirrje për anulimin e votimit në Stamboll dhe rimbajtjen e procesit zgjedhor.Këshilli i Lartë Zgjedhor ende nuk ka vendosur mbi kërkesën e AKP-së për rezultatin e zgjedhjeve të Stambollit, por ka urdhëruar zyrtarët e zonave zgjedhore në Stamboll të kryejnë inspektime ndaj zyrtarët të votimit.
Sipas mediave turke hetimet janë përqëndruan në rrethet Maltepe, Kadikoy dhe Atasehir të Stambollit, të cilat u fituan nga CHP. Të dyshuarit po merren në pyetje lidhur me akuzat për shkelje të ligjit zgjedhor dhe abuzimin e pozitës në numërimin e votave./Opinion.al
