TIRANE– Nje pasuri prej miliona eurosh i është sekuestruar biznesmenit Dashamir Gjoka nga Shijaku. Prokuroria e Krimeve të Rënda e akuzon atë për pastrim parash. Permes nje njoftimi për mediat, organi i akuzës njoftoi se “ka vendosur sekuestro për mbi 11 mijë metra katrorë truall dhe ndërtime, përfshirë biznese, si edhe për rreth 15 300 metra katrorë tokë bujqësore, të regjistruara në emër të shtetasit Dashamir Gjoka, nga Shijaku i hetuar për “Pastrimit të produkteve të veprës penale”. Sekuestrimi është bërë edhe me miratimin e gjykatës së Krimeve të Rënda. Sipas prokurorisë, Dashamir Gjoka ka qenë i dënuar nga Gjykata e Apelit të Milanos në 2009, me 7 vjet e 6 muaj burgim për shfrytëzim të prostitucionit. Gjoka ishte drejtues i organizatës që vepronte në Milano e Puglia, dhe që merrej që me futjen në mënyrë klandestine në territorin e shtetasit Italian të grave me origjinë nga Evropa Lindore, me qëllim prostituimi në formën e detyrimit, favorizimin dhe shfrytëzimit të prostitucionit. Sipas prokurorisë, me të ardhur e mbledhura nga ky aktivitet kriminal, Dashamir Gjoka kishte blerë disa prona në Shqipëri.
Dashamir Gjoka ishte shpallur ne kërkim nga Interpol Roma në 2013 për një sërë veprash të tjera penale.
Bizneset e sekuestruara
1.“Kompleks Shërbimesh “Gjoka”, me sipërfaqe ndërtimore prej 6 949 m2, nga e cila sipërfaqe ndërtimi 2012.7 m2, si dhe sipërfaqja prej 4286.47 m2 shërben për ushtrimin e aktivitetit e përbërë konkretisht;
objekt i ndarë në 3 kate – me emërtim “Supermarket, Bar Restorant, Motel“;
objekt dy kate – me emërtim “Disko Bar, Palestër, Sall Lojrash“;
objekt një kat me emërtim “Bar Kafe“-; pishinë;
objekt qendër sportive (Motel 2 dhoma);
objekt Qendra Sportive, Kalҫeto;
objekt magazinë një kat.
- Pemishte+trual+ndërtesë me sipërfaqe 1800 m2, e ndodhur në Sallmone, Xhafzotaj.
- Tokë arë me sipërfaqe 5090 m2, e ndodhur në Sallmone, Shijak.
- Tokë arë me sipërfaqe 5520 m2 e ndodhur në Sallmone, Shijak.
- Tokë arë e ndodhur në Qerret Katund i Ri me sipërfaqe 1546 m2.
- Ndërtesë +truall me sipërfaqe 1247 m2 truall e ndërtesë 230 m2, e ndodhur në Sallmone, Shijak, (në të cilën është ngritur një godinë shërbimi dy kate+bodrum, sipërfaqe bodrumi 147 m2, sipërfaqe kati 710 m2).
- Tokë arë me siperfaqe 3110 m2, e ndodhur ne Sallmone, Shijak.
- Pasuria me sipërfaqe 928 m2, (brenda të cilës ndodhet një ndërtim 160 m2, dhe truall 400m2).
- Tokë arë me sipërfaqe 3700 m2, me adresë Sallmone-Xhafzotaj.
- Tokë arë me sipërfaqe 1980 m2, me adresë Sallmone-Xhafzotaj.
- Shoqëria “Gjoka“ sh.p.k.,së bashku me të gjithë asetet e saj.
