Prokuroria e Përgjithshme ka kërkuar informacion pranë Prokurorisë së Tiranës për ish-ministrin e bujqësisë Niko Peleshi. Verifikimi kërkohet për veprimet hetimore që ka kryer prokuroria në lidhje me materialet e publikuara në media ku ish-ministri Peleshi dyshohet të ketë kryer veprime në kundërshtim me ligjin.
Konkretisht sipas shkresës drejtuar prokurorisë Peleshi dyshohet se ka “lëshuar në kundërshtim me ligjin urdhrin për lëshimin e insekticidit Silikon Mix” i cili përdoret për kultivimin e frutave dhe perimeve duke sjellë probleme për shëndetin.
ilicon Mix ishte bllokuar nga AKU por me një urdhër të ish-ministrit Niko Peleshi, bllokimi u hoq dhe në treg u shitën 4600 kilogram kimikat. Kjo gjë është evidentuar nga ana e Kontrollit të Lartë të Shtetit, i cili akuzon ish-ministrin se ka shkelur ligjin. Nisur nga të gjitha këto fakte, Prokuroria e Përgjithshme i ka kërkuar informacion pa cënuar hetimin, Prokurorisë së Tiranës për mënyrën se si e ka trajtuar këtë çështje.
Kërkesa e Prokurorisë së Përgjithshme për veprimet hetimore ndaj Niko Peleshit është e së njejtës datë me kërkesën për verifikim të Arbjan Maznikun i cili dyshohet për përfitim të parregullt të dhuratave prejt funksionarëve të administratës publike. /Opinion.al
