Hetimet ndaj Ahmet Muçës do të zhvillohen nën masën e sigurimit personal “arrest shtëpie”. Vendimi është dhënë nga Gjykata e Tiranës me kërkesë të prokurorisë.
Ai u arrestua dy ditë më parë në kushtet e flagrancës, në akuzën e shitjes së diplomave falso. Muça, edhe pse nuk kishte më liçensë, vazhdonte të shiste diploma për Drejtësi duke përdorur numrat e amzës që ishin lënë bosh para mbylljes së universitetit të tij Kristal.
Prokuroria e argumentoi masën e sigurisë me moshën e Muçës i cili është 70 vjeç.
