Prokuroria kërkon dy vite burg për ish-gjyqtarin Ibrahim Hoxha. Po kështu organi i akuzës kërkoi që gjyqtari të mos ushtrojë profesionin për 3 vjet. Po sot është dhënë pretenca edhe për Ledion dhe Gerald Hoxhën si dhe Altin Malajn. Prokuroria kërkoi dënimin me 18 muaj shërbim prove për Ledion Hoxhën e Altin Malajn.
Djali i tij, Ledion Hoxha, po merrte ryshfet rreth 6 milionë lekë për një vendim për një ndryshim trashëgimie në momentin kur është ndaluar.
Ndërkohë, gjyqtari Ibrahim Hoxha, i cili do të ndikonte në vendimin për çështjen e pronësisë, mësohet se e priste jashtë ambienteve të lokalit. Në dosjen e akuzës thuhet se gjyqtari po bënte gati vendimin për prishjen e vendimit të trashëgimisë në favor të Dritan Jazenxhiut, i cili ishte në gjyq me të motrën për prona të trashëguara nga e ëma.
