Prokuroria e Tiranës ka kërkuar dënimin me 7 vite e 6 muaj burg për Fatos Gurakuqin. 40-vjeçari akuzohet se ka përdhunuar të bijën e tij 15-vjeçare për 10 muaj me rradhë.
Gurakuqi nuk ka reaguar gjatë leximit të konkluzioneve përfundimtare të organit të akuzës. Ndërkohë që avokati i tij kërkoi përsëritjen e analizës së ADN-së, kërkesë e cila u rrëzua nga gjykatësi Gerd Hoxha. Ishte pikërisht kjo analizë e cila fundosi babain përdhunues.
Përveç hetimeve të kryera nga prokuroria, dëshmive të marra përdhunimi u konfirmua edhe shkencërisht. Fatos Gurakuqi u arrestua Nëntorin e vitit të kaluar, pasi vajza e tij 15-vjeçare e denoncoi në polici.
Sipas kallzimit të saj abuzimi kishte ndodhur në banesën e tyre në Kodër-Kamëz, ku prej me shumë se 10 muajsh ajo kishte qenë pre e abuzimit seksual dhe dhunës fizike nga babai.
Seanca tjetër u caktua javën e ardhshme ku mbrojtja pritet të lexojë konkluzionet përfundimtare dhe gjykata të shpallë vendimit për 40-vjeçarin Fatos Gurakuqi.
