Prokuroria dha sot pretencën për ish-deputetin e PKD që ishte në koalicion me Ramën, Mark Frrokun. Organi i akuzës kërkoi të dënohet me 25 vite burg Frroku.
Mbi të rëndojnë 4 akuza; Ajo e vrasjes në Belgjikë në vitin 1999, akuza e fshehjes së pasurisë, e pastrimit të parave dhe e ndërtimit të paligjshëm.
Gjithashtu, prokuroria ka kërkuar që Mark Frrokut t’i hiqet e drejta për 10 vjet që të ushtrojë funksione publike.
Një ditë më parë gjykata vendosi ta shpallë të pafajshëm, të akuzuarin si bashkëpunëtor i Frrokut në vrasjen e Belgjikës, Kristjan Marinajn.
Pritet që më 30 Mars të shprehen avokatët mbrojtës dhe më pas gjykata e Tiranës të japë vendimin për Mark Frrokun. /Opinion.al
