Prokuroria e Tiranës ka kërkuar 20 vite burg për Francesco Becchettin. Becchetti akuzohet për “Krijim i skemave mashtruese lidhur me tatimin mbi vlerën e shtuar”; si dhe “Pastrimi i produkteve të veprës penale ose veprimtarisë kriminale”. Të pandehur gjithashtu janë edhe persona të tjerë. Mësohet se Prokuroria ka vendosur ti bashkojë dënimet në një të vetëm.
Akuzat janë zyrtarizuar nga Prokurori. Ndërkohë, biznesmeni italian vazhdon të jetë në arrati dhe për të ka një mandat arresti ndërkombëtar.
Biznesmeni Francesco Beccheti, prej kohësh është një temë debati politik në Shqipëri, pasi fitoi në arbitrazh ndërkombëtar 110 milion euro nga shteti shqiptar, i cili i sekuestroi pasuritë përfshi televizionin “Agon”.
