Gjykata e Tiranës javën e ardhshme, pritet të nise procesin gjyqësor ndaj Kastriot Ismailajt, i cili do të gjykohet nga tre gjyqtaret e kryesuar nga Enkeledi Hajro.
Qe në seancat e para gjyqësore, mësohet se avokati mbrojtës i të pandehurit Ismailaj do të kërkojw pavlefshmërinw e disa provave materiale që ndodhen në dosje, mes tyre edhe të përgjimeve të publikuara ditët e fundit.
I kontaktuar nga ABC News avokati Vladimir Meçi tha se shumë prova dhe material që ndodhen në dosje rezulton se janë të pavlefshme pasi me pushimin e hetimeve në tetor të 2012 disa prej këtyre provave duheshin asgjesuar. Gjithashtu avokati pretendoi se edhe përgjimet e publikuara në media, janë të pavlefshme pasi nuk përbëjnë provë material në ngarkim të klientit të tij Kastriot Ismailaj.
Këto prova, që tashmë janë publikuar, jo zyrtarisht nga prokuroria thonë se për arsye të neglizhencës ndodhen ende në dosje, por që do të hiqen në momentin kur do të nis procesi gjyqësor. Nga ana tjetër, vazhdon të jetë enigmatike nga prokuroria, fakti se pse në momentin që është konstatuar një bisedë telefonike mes subjektit të përgjuar Ismailajt dhe një personi politik i mbrojtur me imunitet, transkiptimi i bisedës është zbardhur dhe nuk është ndërprerë përgjimi për të njoftuar personin e përgjuar. Përveç kësaj, prokurori nuk pranon të komentoj pse nuk janë hetuar detajet e dala gjatë përgjimeve të Ismailajt, pasi mes tjerash në bisedat e transkiptuara, rezulton se i dyshuari në atë kohë fliste për afera të mëdha financiare.
Ndërkohë, sipas dosjes rezulton se janë evidentuar rreth 10 mln dollaer amerikane, të cilat janë transferuar nga Gjibraltari dhe Zvicra në drejtim të llogarive bankare të Kastrioti Ismailajt. Nga ku më pas, këto para janё transferuar nё shoqёri dhe individe tё ndryshem me vendodhje ne Zvicer, France, Angli, Kongo, SHBA e Afrikёn e Jugut si dhe në vende të njohura si parajsa fiskale.
