Prokuroria e Përgjithshme ka njoftuar prokurorët e të gjithë niveleve në Shqipëri, që më datën 4 tetor të marrin pjesë në mbledhjen e përgjithshme të prokurorëve për të zgjedhur anëtarin për Këshillin e Lartë të Prokurorisë.
Kandidatët për këtë post janë prokurorët Esmeralda Keshi (Cami) dhe Vladimir Mara, të cilët kanë dorëzuar dokumentacionin e nevojshëm sipas kritereve të përcaktuara në ligj.
Prokuroria e Përgjithshme ka theksuar se pjesëmarrja e prokurorëve është e detyrueshme, përjashtuar këtu ata prokurorë të cilët do të jenë në gatishmëri në prokuroritë përkatëse./ Opinion.al E.Xh.
