Prokuroria franceze ka konfirmuar në mbrëmje se koka e atentateve në Paris Abdelhamid Abaaoud, është vrarë, në aksionin blitz në Saint Denis. Nuk është e qartë nëse ka shpërthyer veten, por ai është gjetur i vdekur në strehën e xhihadistëve në Paris. Në blitcin e policisë kanë mbetur të vrarë edhe Hasna kushërira e Abbaoud që hodhi veten në erë. Por nuk është e sigurtë nëse shpërtheu pasi u qëllua nga një snajperist apo më parë pasi kishte një detonator në duar. Sipas prokurorisë Abdelhamid u identifikuar nga shenjat e gishtërinjve.
