Detaje të reja kanë dalë në pah për çështjen Tahiri. Mësohet se Prokuroria ka dërguar dy letër-porosi të reja në Itali dhe Greqi për të marrë informacione të reja për Tahirin. Mësohet se në Itali letër-porosia ka të bëjë me hetimet e Prokurorisë së Katanias, ndërsa në Greqi në lidhje me udhëtimet e ish-ministrit atje. Prokuroria do të vendosë menjëherë pas marrjes së këtyre informacioneve ndërsa aktualisht po grumbullon të dhënat që ndodhen brenda vendit.
Tahiri ndodhet nën hetimin e Prokurorisë për lidhjet e tij me grupin kriminal “Habilaj” të akuzuar për trafik ndërkombëtar droge.
