Prokurori Besim Hajdarmataj, në Komisionin e Mandateve për arrestimin e deputetit Saimir Tahiri pas akuzave si i përfshirë në trafik droge ka theksuar se këtu jemi për heqjen e imunitetit, pasi kemi bindjen e plotë se ai është i përfshirë në këtë aktivitet kriminal.
Hajdarmataj theksoi se në lidhje me shqyrtimin e dokumentacionit, ne zotërojmë dokumente që nuk mund t’u paraqiten mediave për efekt të hetimeve të mëtejshme.
Ai tha se Prokuroria nuk ka ardhur për arrestimin, pasi atë e jep gjykata.
Prokurori ka përforcuar më pas edhe një herë kërkesën për heqjen e lirisë së deputetit Tahiri.
Ai e ka saktësuar këtë detaj, për kërkesës së deputetit Ulsi Manja, i cili iu referua një fraze të mëparshme të prokurorit që deklaroi se nuk ndodhej aty me një mandat arresti, por me një kërkesë për heqje imuniteti duke respektuar gjithë procedurat e një rasti të tillë.
Hajdarmataj: Duke i referuar të gjithë këtyre të dhëna që nga viti 2013 dhe deri në muajin prill të vitit 2017, asnjëherë nga policia e shtetit nuk është dorëzuar në Prokurori një material për aktivitin kriminal të këtyre personave, ndërsa pala italiane kishte nisur një hetim për këtë grup kriminal.
Duke pasur parasysh edhe lidhjet që kanë me persona të Drejtorisë së Policisë Vlorë, ne kemi krijuar bindjen e plotë se deputeti Saimir Tahir është i përfshirë në këtë aktivitet kriminal.
Nuk kemi ardhur për arrestin e Saimir Tahirit, pasi atë e jep gjykata.
Këtu jemi për heqjen e imunitetit të deputetit Tahiri.
Në lidhje me shqyrtimin e dekumentacionit, ato janë dokumente shumë konfidenciale dhe nuk mund të bëhen publike për mediat.
