Saimir Tahiri mund të arratiset nga vendi, ose të prishë provat për veprat penale për të cilat akuzohet.
Prokurori i Krimeve të Rënda, Besim Hajdarmataj, ka theksuar se ekziston dyshimi që të jemi para këtyre rasteve. Ai tha se jo pa dashje bëmë një prezantim të përgjithshëm që nisëm një hetim duke e mbajtur në fshehtësi.
Gjatë seancës së pyetjeve në Këshillin e Mandateve, teksa ka rilexuar edhe njëherë akuzat me të cilat prokuroria rëndon Tahirin, deputeti demokrat Alibeaj e ka pyetur prokurorin specifikisht:
Alibeaj: A ekziston dyshimi që Tahiri të ikë nga vendi, të prishë provat apo të kryejë një vepër tjetër?
Prokurori: Sigurisht, kemi dyshimin që mund të jemi para këtyre rasteve, unë jo pa dashje bëra një prezantim të përgjithshëm që nisëm një hetim duke e mbajtur në fshehtësi. Tani mund të ndodhë që Ish-ministri edhe ti shmanget hetimit
Këshilli i Mandateve dhe Rregulloreve është mbledhur këtë paradite për kërkesën e Prokurorisë së Krimeve të Rënda për heqjen e imunitetit të Saimir Tahirit dhe dhënien e autorizimit për arrestimin e tij.
