Prokurori italian i Catanzaros, qytet në Kalabri, ka thënë se mafia shqiptare po fiton çdo ditë terren, duke bashkëpunuar ngushtësisht edhe me Ndragheta-n. Deklarata e prokurorit italian është bërë gjatë një leksioni në Universitetin e Kalabrisë.
“Mafia shqiptare është e egër, e fortë dhe aleate me Ndragheta-n dhe po fiton terren çdo ditë e më shumë”, ka deklaruar Nicola Gratteri. “Bashkëpunimet janë të vazhdueshme edhe me grupime të tjera kriminale siç e tregon edhe menaxhimi i kokainës së rrugës që kontrollohet nga Ndragheta, mafia nigeriane apo grupet kriminale lokale”, ka vijuar më tej.
Në vazhdim të leksionit të tij, Gratteri tha se fenomeni i Ndragheta-s u nënvlerësua. “Duhet të njohim historinë për të kuptuar se si hajdutët e pulave u shndërruan në mafien më të pasur të botës”, u shpreh prokurori.
