Prokurori Publik i Barit, njëkohësisht edhe Prokurori i Përgjithshëm, Roberto Rossi tha se institucionet ligjzbatuese italiane dhe shqiptare po bashkëpunojnë prej vitesh në luftën kundër krimit të organizuar.
Në fjalën e tij nga ambjentet e Prokurorisë së Posaçme, Rossi tha se është shumë i lumtur për bashkëpunimin me palën shqiptare dhe që kanë të njëjtat objektiva lidhur më këtë problem.
Sipas tij, mafia shqiptare është një forcë ndërkombëtare shumë e madhe, por me anë të prokurorisë populli shqiptar do të jetë në gjendje të luftojë këtë kancer.
“Kemi punuar dhe punojmë prej 10 vitesh për arritjen e objektivave të përbashkëta për të luftuar krimin në Shqipëri apo në Itali. Jemi të ndërgjegjshëm që autoritetet e hetimit shqiptar, dhe në veçanti SPAK janë shumë të afta për kapjen e veprave bashkë me ne. Kjo forcë e përbashkët është e rëndësishme
Mafia shqiptare është një forcë ndërkombëtare shumë e madhe, por jemi të sigurt që populli shqiptar me anë të prokurorisë do të jetë në gjendje të luftojë këtë kancer.
Jemi të sinkronizuar bashkë për të arritur këtë objektiv. Ka një prezencë të jashtëzakonshme të policisë gjyqësore italiane dhe policisë gjyqtare shqiptarë që bashkë me në arrijnë objektivat e përbashkëta”, tha Rossi.
