Prokuroria ende nuk ka vendosur nëse do te filloje hetim pasuror për Haxhi Giun I cili ka deklaruar ndër vite se ka dy apartamente, nje vile apo makina (por jo ate te luksit ku u arrestua). Ai ka deklaruar se ka fituar edhe 22.500 euro në ruletë në një kazino.
Prokurorit i arrestuar dy ditë më parë, Haxhi Giu pritet t’i komunikohet sot masa e sigurisë “Arrest me Burg” dhënë nga Gjykata e Krimeve të Rënda dy ditë më parë.
Mbi 55 – vjeçarin është ngritur akuza e korrupsionit pasi kishte marrë përsipër të zbuste akuzën për një person të arrestuar për trafik drogë. Për këtë vëllai i të arrestuarit kishte lënë garanci disa mijëra euro në një pikë këmbimi valuator në Tiranë.
Prokurori Giu nuk arriti që të zbuste masën pasi Prokuroria e Përgjithshme e refuzoi këtë kërkesë.
Prokuroria e Krimeve të Rënda, e cila kreu hetimet thotë se, Haxhi Giut i është faktuar akuza pasi disponojnë filmime të dorëzimi të parave dhe takimet që ai ka kryer me vëllain e të arrestuarit.
Ditën e enjte një Prokuror i Krimeve të Rënda u paraqit në Drejorinë e Policisë për të pyetur kolegun e tij. Haxhi Giu refuzoi të flasë duke kërkuan që të njihet me aktet e hetimit dhe se shpjegimet e tij do t’i japë në një moment të dytë.
