Prokurorët në Suedi kanë vendosur që të rihapen hetimet lidhur me dyshimet për përdhunim kundër themeluesit të organizatës, Wikileaks, Julian Assange.
Rihapja e hetimeve është kërkuar nga avokati i gruas, e cila pretendon se është dhunuar nga Assange gjatë një vizite në Suedi në vitin 2010.
Themeluesi i Wikileaks i ka mohuar këto akuza duket thënë se gjithçka ka ndodhur mes tyre ka ndodhur me pëlqyeshmërinë e të dyja palëve.
Assange nuk e ka zbatuar lirimin me kusht, pasi ka qëndruar si refugjat në Ambasadën e Ekuadorit në Londër nga viti 2012 në mënyrë që t’i shmangej ekstradimit në Suedi.
Ai është dëbuar nga kjo ambasadë më 11 prill të këtij viti dhe më vonë është dënuar nga një gjykatë britanike me 50 javë burgim për shkelje të kushteve të lirimit me kusht.
Australiani 47-vjeçar Assange është në kërkim edhe nga Shtetet e Bashkuara për publikimin e materialeve të klasifikuara diplomatike dhe ushtarake në vitin 2010./Opinion.al/
