Prokurorët kanë shkuar në Aeroportin “Nënë Tereza” këtë të premte për të kryer hetimet jo vetëm për grabitjen, por edhe për shpërdorim detyre.
Bëhet fjalë për prokurorë pranë Prokurorisë së Krimeve të Rënda, të cilët do të hetojnë faktin se përse policia është njoftuar pesë minuta me vonesë dhe për më tepër nuk është lejuar që të hapë portën dhe të hyjë në pistën e avionëve.
Sipas këtij raporti, pak përpara grabitjes disa efektivë ndodheshin në pistë për shkak të disa të deportuarve. Ata kanë marrë personat e deportuar dhe janë larguar, pikërisht në momentin kur ka ndodhur grabitja.
Kur është lajmëruar, punonjësit e TIA-s nuk kanë hapur portën dhe policia është detyruar që të ecë paralel me rrethimin e jashtëm, çka ka sjellë humbje kohe./Opinion.al
