Kryeministri Edi Rama dhe ministrja e Shtetit për Sipërmarrjen dhe Klimën e Biznesit Delina Ibrahimaj në prezantimin e fituesve të start-up dhe Startup Grant2024.
Rama tha se e-Albania u ka kursyer qytetarëve shqiptarë 620 milionë euro në total gjatë këtyre viteve.
Kryeministri theksoi se po punojnë me Microsoft për një model të Prokurimeve Publike pa pjesëmarrjen e njeriut.
”Po punojmë me Microsoft për një model të Prokurimeve Publike pa pjesëmarrjen e njeriut. Më pas Komisioni certifikon rezultatin. Po përpiqemi me Microsoft të bëjmë një model që bën të gjithën, shpresojmë ta kemi gati deri në fund 2026. Brenda pak kohe e-Albania do të kalojë në një tjetër nivel. Diella do të bëjë të gjithë shërbimin. Kjo gjë do të realizohet me kërkesë, do t’i thuhet Diellës quhem filani dhe gjithë punën do ta bëjë asistenti virtual. Ne po krijojmë potencial të madh këtu brenda me ju dhe të tjerë si ju që mund të na japin një dorë në zhvillimin e mëtejshëm të proceseve të qeverisjes, duke përdorur bazën tonë të të dhënave”, tha kryeministri.
