Kryeministri Edi Rama ka zhvilluar pasditen e sotme takimin përmbyllës të fushatës në qytetin e Vlorës.
Gjatë fjalës së tij, kryesocialisti ka zbuluar projektet e ardhshme për qytetin e Vlorës, të cilat sipas Ramës do ta bëjnë qytetin bregdetar një nga destinaconet më të kërkuara të Mesdheut.
Rama u shpreh se Vlora do të ketë akademinë e forcave ajrore të ushtrisë që do të përgatisë pilotë shqiptare, një port turistik dhe ndërtimi i një zinxhiri të ri hotelesh.
Pjesë nga fjala e Edi Ramës:
Ne kem firmosur një marrëveshje dhe po në Vlorë do të kemi akademinë e forcave ajrore të ushtrisë tonë që do të përgatisë pilotë shqiptare. Njëkohësisht do të jetë derë e hapur për plotë nga vendet e tjera të NATO apo të vendeve të tjera mike.
Vitet që vijnë, Vlora do të ketë pikat e porteve më të bukura të jahteve në Shqipëri. Vlora do të ketë një port turistik dhe nga ana tjetër do të jetë triporti për mallrat dhe anijet e peshkimit.
Ka filluar të ngrihet zinxhiri i ri i hoteleve. Në këto 5 vite Vlora do të bëhet territori ku do të vijnë firmat më prestigjioze të hotelerisë dhe ky qark do të ketë një gjerdan plotë me dyer për turistët.
Bregdeti i Vlorës do të bëhet një nga destinaconet më të kërkuara të Mesdheut.
