Kryeministri Rama ka publikuar sot ka publikuar tabelën e përditësuar të kurbës së përhapjes së rasteve të infektuara me koronavirus midis shteteve.
Sipas tabelës së publikuar Shqipëria paraqitet në një nivel relativisht të mirë të përhapjes së virusit, krahasuar edhe me vende të tjera.
Këndi i kurbës është pak më i lartë se rritja ditore me 10% e rasteve të infektuara, megjithatë krahësuar me vendet e tjera të botës dhe me rajonin, Shqipëria është në një pozicion mjaft të favorshëm.
Vetëm kurba e Kosovës ka një trajektore më pozitive se ajo e Shqipërisë në rajon, duke qenë në nivele të përafërta me atë të Singaporit i cili konsiderohet si një nga vendet që menaxhoi më mirë shpërthimin e pandemisë.
Një detaj tjetër që bie në sy është se megjithëse kurba e Shqipërisë ka nisur më lartë se disa vende të tjera ajo është sheshuar me kalimin e kohës. Kjo mund t’i atribuohet dy faktorëve; numri të paktët të rasteve në vendin tonë si dhe masave shtrënguese të ndërmarra nga qeveria për izolimin e popullsisë.
Deri tani Shqipëria ka 243 raste të konfirmuara me COVID-19 nga të cilat 52 janë shëruar dhe 13 kanë ndërruar jetë.
Sa i përket vendeve të tjera të botës, vihet re se SHBA ka pësuar një rritje të këndit të kurbës duke kaluar kështu edhe atë të Italisë. Ritmet e saj, të Spanjës por edhe të Italisë mbeten në nivele shqetësuese.
Japonia dhe Singapori duket se kanë qenë vendet që e kanë menaxhuar më mirë situatën nga fillimi i saj. Aty i është bashkuar edhe Koreja e Jugut me kalimin e kohës e cila duket se e ka ulur shumë pjerrësinë e kurbës. /Opinion.al
