Kandidati koalicionit “Bashkë Fitojmë” për Bashkinë e Tiranës Belind Këlliçi ka vijuar takime me qytetarët e kryeqytetit të cilëve u ka shpjeguar programin e tij për taksat.
Këlliçi tha në programin e tij përfshihet ulja e taksave për biznesin e vogël dhe të mesëm. Sipas tij, kjo gjë do të ndikojë në zhvillimin e tyre dhe në krijimin e vendeve të reja pune.
“Një pjesë do t`i zerojmë, se s`keni pse të paguani taksë për infrastrukturë shkolle nga dy herë. Idea është që të ndihmojmë biznesin e vogël. Të gjithëve po u shkoj derë më derë, biznes për biznes. Po u hyj dhe po ua jap në dorë. Kam shpalosur ditën e djeshme programin për uljen e taksave biznesin e vogël dhe të mesëm, që janë më të persekutuarit këto vite. Kështu që po dal dhe po takoj bizneset, qytetarët”, tha Këlliçi.
Programi i paraqitur nga Këlliçi synon uljen dhe zerimin e të paktën 7 taksave dhe tarifave vendore, të cilat sipas tij janë një barrë e rëndë financiare për 41 mijë biznese të vogla dhe të mesme në kryeqytet.
