Duke filluar nga dita e sotme mes Shqipërisë dhe Maqedonisë së Veriut ka hyrë në fuqi kontrolli i përbashkët në Pikat Kufitare.
Kryeministri Edi Rama, homologu i tij Dimitar Kovaçevski dhe zv/Kryeministri i Maqedonisë së Veriut, Artan Grubi inspektuan Pikën Kufitare të Qafë Thanës ku u prezantua nisma “One stop shop” mes dy vendeve.
Gjatë fjalës së tij kryeministri i Maqedonisë së Veriut, Dimitar Kovaçesvki tha se marrëdhëniet mes dy vendeve janë të shkëlqyera, dhe me heqjen e kësaj pengese, tashmë do të ketë përfitime të mëdha ekonomike për dy vendet.
“Rezultati i këtij bashkëpunimi është fakti se sot jemi këtu bashkë në kalimin kufitar Qafë-Thanë ku theksojmë fillimin programit “Një ndalesë – Një kontroll”. Sot mundësojmë qarkullimin më të shpejtë dhe kalimin e kapitalit më shpejt. Kjo rrit, shoqërimin mes njerëzve diçka që prej një shekulli mungonte mes dy vendeve, Sot ne jemi shembull sesi duhet të jenë dy shtete fqinje. Me anë të kësaj ne lehtësojmë tregtinë e 11 kompanive. Kështu ne mundësojmë qasje më të lehtë, në porte etj. Sot shënojmë fillimin e one stop shop mes dy kalimeve kufitare por do bëhet edhe Korridori i 8, ku për 5 vite do të bëhet realitet. Për 5 vite do të kemi infrastrukturën më të mirë në Ballkan. Ky korridor mund të ketë financim në BE dhe do të mundësojë realizimin e hekurudhës. Anijet do të arrijnë në Strugë ku deri tani nuk e mendonte njeri. Unë jam një prej atyre që përsërit se nuk na duhen kufi. S’ka në BE s’ka pse të ketë asnjë Ballkan. Marrëdhëniet dypalëshe janë më të mira se kurrë. Ajo që prej nesër vijon është rritja e kapaciteteve të punonjësve këtu por edhe në infrastrukturë, ku pritja në kufi do të jetë më e pakët.”- tha Kovaçesvki.
