Aktualitet

Programi ekonomik, PD sqaron si do zbatohet taksa e sheshtë 9%


Bëhu pjesë e Grupit Zyrtar të Opinion.al
>> KËTU <<
               Publikuar në : 14:01 - 29/01/21 |
Semiljana Azizi

Ditën e djeshme Partia Demokratike prezantoi programin ekonomik me të cilin do të hyjë në zgjedhjet e 25 prillit, teksa një nga pikat e programit është rikthimi i taksës së sheshtë prej 9%.

 Por si do të funksionojë kjo taksë?

Dorian Teliti, Shefi i Kabinetit të kryetarit të PD, pjesë edhe e grupit të ekspertëve që kanë punuar për programin e PD,ka shpjeguar taksën e sheshtë 9 % dhe efektet e saj tek qytetarët shqiptarë.

Teliti në një bashkëbisedim me vajzën e quajtur Jona sjell shembullin e pagës prej 80 mijë lekësh të reja, për të cilën aktualisht paguhen 6500 tatim mbi pagën. Sipas formulës që do të sjellë Partia Demokratike, një punonjës që e ka pagën 80 mijë lekë do të paguajë 4500 lekë.

Sqarimi i Dorian Telitit për taksën e sheshte

Përshëndetje Dori!

Përshëndetje Jona!

Pyetja: Çfarë përfitoj unë nga programi i Partisë Demokratike si specialist që kam vetëm pagën si burim të ardhurash?

Më shumë para në xhepin tënd. Ne do të anullojmë menjëherë taksën progresive mbi pagat 13-23% dhe do të vendosim taksën e sheshtë prej vetëm 9%. Jona sa e ke rrogën sot?

80,000 lekë të reja.

Sot ti paguan 6,500 lekë të reja në muaj tatim mbi pagën. Me taksën e sheshtë do të paguash vetëm 4,500 lekë të reja në muaj. Më shumë para në xhepin tënd, 2,000 lekë të reja në muaj.

Po makinë ke?

Po!

Karburanti do të kushtojë 24 lekë për litër më lirë. Gjithashtu edhe energjia elektrike do të ulet.

Shumë faleminderit Dori!

Faleminderit ty! Dhe mos haro, në datën 25 prill, Shqipëria Fiton Ekonominë./Opinion.al

Pas