Kryeministri Edi Rama ka reaguar për programin ekonomik të Partisë Demokratike, i cili u prezantua ditën e sotme.
Nëpërmjet një postimi në “Twitter”, Rama e ka krahasuar programin me të cilin PD do të marrë pjesë në zgjedhjet e 25 prillit, si tramvaj i Tiranës në 2011.
“Programi i PD në 2021 si tramvaji i Tiranës në 2011. Gjumë të ëmbël,”- shkruan Rama.
Kujtojmë që ditën e sotme Partia Demokratike ka prezantuar një program me më shumë se 10 pika se ku do të fokusohet nëse, pas 25 prillit del forca politike fituese.
Fokusi i opozitës pas ardhjes në pushtet, sipas Bashës, nis që nga taksa e sheshtë, bonusi për bebet, ndihma për familjet e reja, mbështetja për studentët, mbështetja për nxënësit e arsimit parauniversitar e deri tek pensionistët, e grupe të tjera interesi të cilat Basha i trajtoj në një dalje mediatike./Opinion.al
