-Kulturë

Programi Botëror për Ushqimin fiton çmimin Nobel për Paqen


Bëhu pjesë e Grupit Zyrtar të Opinion.al
>> KËTU <<
               Publikuar në : 21:32 - 09/10/20 |
Al Do

Çmimi Nobel për Paqen i vitit 2020 iu akordua Programit Botëror për Ushqimin të Kombeve të Bashkuara (WFP).

Komiteti Norvegjez i Çmimit Nobel në Oslo, njoftoi se kjo organizatë e OKB-së, me qendër në Romë, nderohet për angazhimin e saj në luftë kundër urisë në botë dhe për mundësi më të mira për paqe në rajone në konflikt.

Nderimi me Çmimi Nobel për paqen për këtë organizatë duhet të tërheqë vëmendjen për të uriturit në botë, tha kryetarja e Komitetet të Çmimit Nobel, Berit Reiss-Andersen.

Sipas saj, Programi Botëror i Ushqimit është gjithashtu një forcë lëvizëse në përpjekjet për ta penguar përdorimin e urisë si armë gjatë luftërave dhe konflikteve,

Para pandemisë së koronavirusit, sipas të dhënave të OKB-së në botë vuanin nga uria 690 milion vetë.

Si organizata më e madhe humanitare në botë Programi Botëror për Ushqimin furnizoi me ushqime në vitin 2019 gati 100 milion vetë në 88 vende. WFP është në gjendje të depërtojë edhe në rajone të vështira për t’u arritur si në Siri ose Jemen, thuhet në fjalën e Komiteti të Çmimit Nobel./Opinon.al

Pas