Nesër është afati i fundit për aplikimin për ciklin e tretë të studimeve, ose siç njihen ndryshe doktoraturat në Universitetin Bujqësor të Tiranës. Ditët e fundit nga ky universitet janë bërë publike edhe programet e studimit të doktoraturës në disa prej fakulteteve të këtij Institucioni të Arsimit të Lartë.
Kështu të gjithë kandidatët duhet të dorëzojnë brenda ditës së nesërme dosjen me dokumentet për disa programe studimi.
“Universiteti Bujqësor i Tiranës njofton të gjithë kandidatët e interesuar se afati për dorëzimin e dosjeve për programet e studimit të ciklit të tretë “Doktoraturë” për vitin akademik 2024-2025 është shtyrë deri më 25.04.2025. Të gjithë aplikantët që nuk kanë mundur të dorëzojnë dosjen brenda afatit të mëparshëm, tani kanë mundësinë të aplikojnë”- thuhet në njoftim.
Porgramet e studimit
Ky Institucion i Arsimit të Lartë në një njoftim në faqen zyrtare publikoi programet e studimit për doktoraturë sipas fakulteteve. Konkretisht në Fakultetin e Ekonomisë dhe Agrobiznesit hapet programi për doktoraturë në degën Ekonomi dhe Agrobiznes”. Në Fakultetin e Bujqësisë dhe Mjedisit hapet programi për doktoraturë në “Shkencat Bujqësore, në Fakultetin e Mjekësisë Veterinare, kandidatët ftohen të aplikojnë për doktoraturë në “Shkencat Veterinare” , ndërsa në Fakultetin e Bioteknologjisë dhe Ushqimit hapet programi i doktoraturës në “Shkencat dhe Bioteknologjia Ushqimore”.
“.Aplikimi mund të bëhet tek personat e kontaktit në fakultete, të cilët mund të gjenden në dokumentacionin përkatës. Ftohen të aplikojnë kandidatët nga Shqipëria, Kosova dhe ata me origjinë shqiptare nga Maqedonia e Veriut”thuhet në njoftimin e UBT-së .
Për më shumë hollësi rreth dokumenteve dhe kritereve klikoni në këtë link
