Izabela Gega dhe Greta Sherifi, dy nga tre viktimat e aksidentit të tmerrshëm sot në Sukth, kishin një lidhje shumë të fortë midis tyre por edhe një pasion të përbashkët atë për makinat dhe udhëtimet. Gjë që konstatohet lehtë edhe në profilin e tyre në facebook ku dy shoqet e ngushta shiheshin shpesh të postonin video nga momentet e tyre të udhëtimit. Një nga këto video që po publikon Opinion.al është edhe kjo e mëposhtmja, ky dy shoqet shihen në shoqërinë e tyre duke kënduar në makinë.
Izabela kishte kaluar një fëmijëri të vështirë. Drama e parë ishte ajo e humbjes së motrës së saj 9 vjeçare në një aksident të tmerrshëm automobilistik. Në vitin 1989 një autobus me nxënës dhe mësues që kthehej nga Kampi i Pionerëve në Dajt rrëzohet në kthesën e zonës së quajtur Miniera e Boksideve, dhe ndër viktimat është edhe Manjola, motra e madhe e Izabelës, në atë kohë ishte në klasë të katërt. Pak vite më vonë Izabela përjetoi edhe një dramë tjetër; ndarjen e prindërve. Ku u rrit më së shumti nga tezja e saj. Më pas Izabela u martua dhe për shumë kohë jetoi në Greqi, nga ku kishte vetëm pak kohë që ishte kthyer. Deri në mëngjesin e sotëm ku një aksident fatal e ndau nga jeta bashkë me dy shoqet e saj Greta Sherifi që punonte në një atelie mode e cila kishte një vajzë 7 vjeçare dhe Elona Koçibaro nga Saranda, që thuhet se ishte e njohura e Gretës dhe studionte në Tiranë./ Opinion.al
[fbvideo link=”https://www.facebook.com/100009040248447/videos/1631746450470014/” width=”500″ height=”400″ onlyvideo=”1″]
