Presidenti i SHBA, Joe Biden ka nominuar David J. Kostelancik, për postin e Ambasadorit të SHBA në Republikën e Shqipërisë. Kostelancik pritet që në këtë pozicion të zvendësojë Yuri Kim, të cilës i mbaron mandati si ambasadore e SHBA në vendin tonë.
Po cili është profili i David J. Kostelancik?
Kostelancik është anëtar karriere i Shërbimit të Jashtëm me gradën Ministër-Këshilltar. Aktualisht shërben si Këshilltar për Politikën e Jashtme të Shefit të Shtabit të Përbashkët, Gjeneral Mark Milley.
Kostelancik ka shërbyer më parë si Zëvendës Shef i Misionit dhe si i Ngarkuar me Punë, në Ambasadën e SHBA në Hungari. Ai ka shërbyer si Drejtor i Zyrës për Çështjet e Evropës Jugore Qendrore, Drejtor i Zyrës për Çështjet Ruse, në Byronë e Çështjeve Evropiane dhe Euroaziatike, si dhe Drejtor i Zyrës së Evropës dhe Azisë në Byronë Ndërkombëtare të Narkotikëve.
Kostelancik ka shërbyer dy herë në Ambasadën e SHBA në Rusi, duke përfshirë një detyrë si Asistent Special i Ambasadorit Thomas Pickering.
Po keshtu ka shërbyer në Misionin e SHBA në OSBE në NATO, në Ambasadën e SHBA në Tiranë, dhe Ambasadën e SHBA në Ankara, Turqi. Ai gjithashtu shërbeu në Këshillin e Sigurisë Kombëtare, duke u përqendruar në marrëdhëniet e SHBA me vendet e Evropës Qendrore.
Kostelancik është diplomuar në Universitetin Northëestern në Matematikë dhe Shkenca Politike, si dhe Master nga Universiteti i Miçiganit në Studimin e Rusisë dhe të Evropës Lindore. Po ashtu ai ka përfunduar Masterin Shkencor nga Kolegji Kombëtar i Luftës në politikën e sigurisë kombëtare.
Ambasadori i ardhshëm i Shqipërisë është njohës shumë i mirë i gjuhës shqipe, ruse, hungareze dhe asaj turke. David J. Kostelancik është baba i tre djemve të rritur.
Njohja e gjuhës shqipe nga ana e Kostelancik, pritet t’i lehtësojë edhe më tepër detyrat si ambasador në Shqipëri.
