Rama dhe Basha ranë dakord në mbrëmje për emrat e 6 minitrave teknike të cilët kryeministri do t’i çojë për dekretim tek Presidenti, ndërkohë që nesër priten të marrin pa problem votat edhe në seancën e jashtëzakonshme në Parlament.
Por kush janë gjashtë ministrat dhe cila është jeta e tyre profesionale?
Ledina Mandia e cila pritet të emërohet zv/kryeministre, ish Avokate e Shtetit, e cila eshte thirrur edhe si dëshmitare te komisioni hetimor për CEZ.
Gazmend Bardhi i cili pritet të emërohet Ministër Drejtësie është ekspert juridik në zgjedhje, ka ndihmuar në krijimin e ligjit të dekriminalizimit, ështe pjesë e grupit të juristëve të PD dhe ka qenë në grupin e punës së PD për reformën në drejtesi.
Kolonel Dritan Demiraj ka 24 medalje në ushtri dhe 27 në sport.
Komandant i Forcave Speciale të Ushtrisë, ai njihet si “babai”,
udhëheqësi i parë luftarak në terren dhe trajnues i misioneve “Eagle” (nga 17), pedagog, autor i shumë librave, manualeve e kumtesave deri në kategorinë akademike të kërkimit shkencor.
Koloneli Dritan Demiraj, është “Nderi i Kombit” me dekoratë presidenciale.
Ai është liruar pas 31 vitesh kontribut në Forcat e Armatosura të Republikës së Shqipërisë, nga Ministrja e Mbrojtjes Mimi Kodheli.
Helga Vukaj e cila pritet të jetë Ministre e Financave, diplomuar në Jurisprudencë (2000). Doktor i Shkencave Juridike, me 10 vite eksperience pune, ka qenë Juriste në Presidencë, Drejtor Drejtorie në Ministri të Brendeshme, zv drejtor i Përgjithshëm në Agjensinë e Kthimit dhe Kompesimit te pronave, dhe në KLSH si Drejtoreshë e Përgjithshme.
Arben Beqiri që pritet të jetë Ministër i Shëndetësisë, eshte mjek dhe pedagog. Punon pranë Shërbimit te Kirurgjisë Digjestive.
Ajo që pritet te jete Ministre e Mirëqenies Sociale, Xhuljeta Kërtusha ish nënkryetare e Forumit Rinor të Durrësit.
