Ajo quhet Mimoza Boçari dhe është një ndër gratë e njohura protestuese në Shqipëri. Të paktën që nga viti 2011 kur mori pjesën në protestën masive të 21 janarit të organizuar nga opozita e kohës socialiste, ku në duart e saj ndërroi jetë Hekuran Deda, një nga protestuesit e mbetur të vrarë.
Me profesion mjeke, 60 vjeçarja është nënë e tre fëmijëve dhe ka punuar si mjeke edhe në Gjermani. Ndërkohë që në vitin 2013, iu bashkua grevës te Kryeministria për çështje të pronës.
Kërkesë për të cilën ajo hyri në grevë urie edhe në maj të vitit 2010 në “çadrat socialiste” para Kryeministrisë.
Por edhe atëherë, ndërsa socialistët ishin në grevë urie për transparencë në zgjedhjet parlamentare të vitit 2009, vetëm Boçari ndodhej aty për kthimin e pronës tek i zoti.
