Kryetarja e Partisë Socialiste të degës Tiranë, Blerina Gjylameti pati një përplasje me nënkryetarin e LSI, Luan Rama, i cili citoi një artikull të gazetës gjermane “Bild” për situatën politike në Shqipëri Sipas Gjylametit, opozita ka paguar para për të dëmtuar imazhin e Shqipërisë dhe për të goditur ekonominë e turizmin.
“Në Shqipëri, askush nuk beson në vërtetësinë e një artikulli ku dëshmitarë kryesorë janë një ish ministër i opozitës dhe një gazetar i oborrit të saj”, theksoi Gjylameti.
Vetë gazetari Peter Tiede, autor i shkrimit, në një postim në Facebook gjatë kësaj të mërkure shkruan se ka qenë vetë në Shqipëri. “Unë njëherë – diçka e shkruajta për Shqipërinë – isha atje. Nuk duket mirë për një vend të bukur”.
Por kush është gazetari që rriti më shumë tensionet politike në Shqipëri dhe që qeveria vë në diskutim mbi vërtetësinë e fakteve që jep?
Ka lindur në vitet ’70, në Prignitz. Ka qenë i specializuar në punimin e drurit. Pas rrëzimit të Murit, ai nisi të bënte në Gjermani, atë që kurrë nuk donte të ishte më parë: gazetar!
Pas një trajnimi 2 vjeçar ( 1990-1992) në gazetën lokale Märkische Allgemeine Zeitung, punoi si redaktor lokal. Pastaj si gazetar hulumtues i pavarur, ndërsa në vitin 1997 mori çmimi “Guardian” për shtypin ditor.
Pas vitit 1997 punoi në revistën e lajmeve “Der Spiegel”, për dy vjet. Më pas konsulent dhe gazetar i pavarur. Pas kësaj eksperience u bë kryeredaktor në Potsdamer Neuesten Nachrichten. Në nga Marsi i vitit 2014 punon si korrespondent në BILD./ Opinion.al
