Atentati me armë zjarri në Sarandë, mbrëmjen e të mërkurës, kishte si objektiv shtetasin Rudin Haxhia, 41 vjeç. Atentatorët kanë qëlluar në drejtim të një pike lotoje, pranë shëtirores së qytetit. Në pikën e lotos ndodheshin rreth 30 persona, por fatmirësisht nuk raportohet asnjë i lënduar.
Burimet policore, thanë se ngjarja ka ndodhur pas përfundimit të ndeshjes mes Realit të Madridit dhe Atletikos. Haxhia është i njohur si pronar i një disko dhe ndaj tij ka patur të paktën 6 atentate të tjera. Policia tregoi se autorët janë larguar, duke lënë pas dy armët me selinciator.
Rudin Haxhia me origjinë nga Tepelena, ka qenë polic dhe aktualisht është pronar i diskos “Ecuador” në Sarandë dhe Gjirokastër. Më herët ai u ka shpëtuar disa atentateve me armë e thikë, si dhe i kanë vënë dy herë tritol në disko.
ATENTATET
19.02.2008 – plagosur me pistolete ne lagjen nr.4 Sarande
02.12.2011 – plagosur me Kallashnikov ne lagjen nr.1 Sarande
04.04.2013 – eksploziv poshte makines ne ecje ne Gjirokaster,
18.02.2015 – u plagos me thike ne Sarande
31.12.2015 -qellohet me 15 plumba ne Sarande, teksa udhetonte me makine, merr 6 plumba ne trup por mbijeton.
Tritol ndaj diskos
Sulmi i parë më datën 05.08.2011
Sulmi i dytë më datën 15.09.2013 në lagjen nr.1 Sarandë
