Azdren Llullaku është një ndër afrimet e reja të trajnerit De Biazi, i cili me shumë mundësi do të debutojë dot gjatë ndeshjes me Lihteshtejnin.
Azdren Llullaku ka lindur më 15 shkurt 1988, në komunën Istok në Kosovë. Ai ka filluar karrierën e tij futbollistike që në vitin 2003, ndërsa aktualisht është pjesë e klubit CS Gaz Metan që luan në ligën e parë në kampionatin e Rumanisë. Gjatë kohës së luftën Azdreni dhe familja e tij kanë emigrua në Itali.
Në vitin 2013 për herë të parëm Federata Shqiptare e Futbollit u interesua për sulmuesin e ri, dhe në maj të atij viti, futbollisti u pajis me pasaportë shqiptare.
Azdren Llullaku, është thirrur nga De Biazi në ndeshjen e luajtur kundër Norvegjisë, por për fat të keq ai ka qëndruar në stol. Ndërsa sot pritet që ai të debutojë për kuq e zinjtë.
Ai është i martuar dhe ka një djalë dy vjeç me të cilin publikon shpesh foto në Isntagram.
Sulmuesi është ndër pikat kryesore të ekipit të tij dhe sa herë që shënon gol, ashtu si çdo Shqiptar, edhe ai feston duke bërë shqiponjën.
