Europol, zyra e policisë kriminale, e cila ka për qëllim të lehtësojë shkëmbimin e informacionit brenda BE-së, ka vënë në internet të premten në mëngjes një faqe të përkthyer në 17 gjuhë të titulluar; ‘Më të kërkuarit e Europës”. Web-site përfshin 45 fotografi të burrave dhe grave më të kërkuara në 28 shtetet e BE-së.
Krimet e tyre variojnë nga vrasja deri tek mashtrimi, terrorizmi, trafiku i drogës dhe grabitjet.
Faqja e internetit Le Figaro-së thekson se çdo vend ka të drejtë për të ofruar vetëm dy emra. Vetëm Franca u lejua të përfshijë tre në listë, përfshirë edhe atë të Salah Abdeslam, organizator i dyshuar i sulmeve në Paris në arrati.
Dy personat e kërkuar nga policia belge janë Zakaria Benaissa (dënuar nga Gjykata Penale e Brukselit me 23 vjet burg) dhe Jean-Claude LACOTE (shtetas francez, i dënuar përjetë në mungesë nga gjykata belge Penale e Bruzh). Ky i fundit, në vitin 2008 u arratis nga një burg i Afrikës së Jugut dhe “konsiderohet i dhunshëm dhe i rrezikshëm.”
Disa prej tyre mund të konsiderohen edhe si një mënyrë për të “bërë para”. Për shembull, 10.000 euro janë në dispozicion për këdo që do të japë informacion për ndalimin e shqiptarit Hime Lufaj, i kërkuar nga policia austriake.
Himë LUFAJ u kontrollua për herë të fundit nga policia austriake në një park në Vienë, gjatë patrullimit të një parku.
Meqenëse ndaj tij egzistonte një urdhër arresti, ai iu shmang menjëherë ndalesës dhe iku nga vendi i ndalimit. Njëri nga policët e kriminalistikës, mori përsipër ndjekjen me qëllim kapjen e Hime Lufajn dhe e arrin në rrugën Schulgasse.
I dyshuari nxjerrr aty papritur nje thikë me të cilën godet disa herë policin në gjoks dhe e lëndon atë në mënyrë të rrezikshme për jetën.
Vetëm përmes disa rrethanave fatlume polici i kriminalistikës i mbijetoi tentativës për vrasje.
Himë Lufaj dyshohet se më vitin 2006 kreu një sulm plaçkitës në një lokal në lagjën 1170 Vjenë, Dhe që nga viti 2010 është shqiptari më i kërkuar në Europë. /Marrë nga La Libre
