Gjykata e Lezhës ka caktuar masën e sigurisë “arrest me burg pa afat” për 66-vjeçarin Qemal Ajazi nga Dibra.
66-vjeçari u arrestua nga Policia e Lezhës, me dyshimet se prodhonte mina me telekomandë dhe siguronte municion luftarak për grupet kriminale.
Çështja ndaj tij i kaloi për kompetencë Prokurorisë së Dibrës, pasi personi i vënë nën akuzë është nga Lura e Dibrës dhe sendet e kundraligjshme ju gjetën pikërisht në oborrin e banesës së tij në këtë zonë.
Gjatë kontrollit policia sekuestroi 3 mina me telekomandë, 2 armë zjarri, 40 kallëpe tritoli, 45 kapsolla detonatore, 45 krehra me fishekë dhe rreth 2 200 fishekë luftarakë, të cilat iu gjetën në oborrin e banesës së 66-vjeçarit./Opinion.al
