I penduari i drejtësisë, Ervis Bardhi, ka dëshmuar sot në procesin gjyqësor ndaj Ardian Çapjes e të tjerëve të akuzuar për vrasjen e Gentian e Nezir Beqirit në vitin 2012.
Në nisje të fjalës së tij, Bardhi i kërkoi ndjesë familjes se viktimave në veçanti nënës. Më tej ai foli për njohjen me Gentian Beqirin në burgun e Peqinit, për krijimin e miqësisë me të dhe vizitat e herëpashershme në shtëpinë e Beqirit, marrjen e porosisë për ekzekutimin e tij nga Ardian e Florenc Çapja deri në ditën e ekzekutimit.
“Para se të filloj, dua t’i kërkoj ndjesë familjes së viktimave, në veçanti nënës nisi dëshminë e tij i penduari. Gentian Beqirin e ka njohur në burgun e Peqinit, më pas në lagje e kam takuar herë pas here me Olsi Lekën e Etjen Çanin”, është shprehur ai.
Vrasja e babë e bir gushtin e vitit 2012 në Elbasan tronditi opinionin publik, për shkak se Gentian Beqirit ishte në “arrest shtëpie” dhe me punonjës policie tek dera, kur autorët u futën në shtëpi dhe vranë atë e të atin, Nezir Beqiri.
Ngjarja u zbardh 8 vite më vonë pasi Ervis Bardhi, i dyshuar si ekzekutori i Gentian Nezirit, pranoi të bashkëpunojë me drejtësisë.
Ndërsa Ardian Çapja është një emër i njohur i botës së krimit për drejtësinë shqiptare. Ai është shoqëruar dhe arrestuar disa herë, ndërsa në vitin 2017 u ka shpëtuar dy atentateve me armë dhe eksploziv.
Ai u arrestua me 29 mars 2021 ku pasi bashkë me të nipin, Florenc Çapja pasi akuzohen se në vitin 2012 në bashkëpunim me njëri-tjetrin kanë vrarë, Gentian Beqirin dhe Nezir Beqirin, babë e bir.
